O Concello de Mos organiza desde a concellería de Cultura que dirixe a edil Sara Cebreiro diferentes actividades infantiles enmarcadas entorno á celebración do día de Reis. Por unha banda os Reis Magos de Oriente visitarán o domingo 4 de xaneiro ás 18.00 horas o Pazo de Mos, onde a continuación terá lugar un espectáculo de maxia e animación a cargo do Rei Midas, e desfilarán montados a cabalo o luns 5 de xaneiro tamén ás 18.00 horas na Cabalgata de Reis que discurrirá pola Avenida de Sanguiñeda. Os cabalos que montarán as Súas Maxestades os Reis Magos de Oriente son exemplares pertencentes á mosense Asociación Deportiva Rutas a Cabalo.

Na Cabalgata de Reis desfilarán, ademais dos Magos de Oriente, un total de sete asociacións mosenses e tres rondallas. As agrupacións de diferente índole participantes son a Asociación de Nais e Pais de Alumnos/as do CEIP de Atín, o Círculo Recreativo e Cultural de Torroso, a Asociación de Veciños Santa Ana de Veigadaña, o Círculo Cultural Abrente, a Asociación de Veciños Nosa Terra de Pereiras, ASODIFISI (Asociación de Dimnuídos Físicos e Psíquicos de Mos) e a Asociación Recreativa Cultural de Guizán; e cada unha delas aporta unha carroza confeccionada por eles mesmos que desfilará na cabalgata xunto cos integrantes de cada un dos colectivos. Este ano o Belén Vivinte será representado polos membros do Círculo Cultural Abrente.

Por outra banda, as tres rondallas que amerizarán musicalmente a tarde da víspera de Reis serán a de Herville (Cela), a Rondalla de Santa Eulalia de Mos e a de San Salvador de Louredo.

A Asociación Deportiva Rutas a Cabalo, importante colaboradora este ano coa Cabalgata de Reis de Mos,  desenvolve a súa actividade dentro do Concello de Mos e promove a asistencia a numerosas actividades que teñen que ver co mundo do cabalo e da natureza. Este club colabora en actos sociais mediante a asistencia a conferencias e exposicións ecuestres entre outras. O seu obxectivo principal é potenciar os paseos a cabalo, tanto dentro como fóra do municipio mosense, ademais de facer fincapé na popularización dos numerosos curros que se realizan en todo o ámbito galego.