Tras repasar todas as posibilidades sobre a ubicación da nova Escola Infantil pública en Mos e una vez mantidas  varias reunións cos técnicos do concello dende o Bloque Nacionalista Galego de Mos amósanse partidarios de que se ubique na a parcela que existe no polígono industrial.

“A súa situación, así como a súa inmediata disponibilidade para comezar os trámites da obra, axudan a tomar esta decisión” asegura Miguel Anxo Aldea Moscoso Portavoz do Grupo Municipal do BNG de Mos.

Pero matizán que “queremos deixar claro o único punto que nos parecía que podería traer futuros problemas, e que é dunha importancia vital, e non é outro máis que a necesidade de que o control sobre as fábricas existentes, e inclusive sobre as que se poidan asentar no polígono industrial, ten que ser absoluto, exhaustivo e preventivo para levarnos  a evitar calquer incidente que afecte á escola infantil”.

Miguel Anxo Aldea destaca que “xa nestes momentos, temos problemas cunha empresa que denunciou o BNG xa no seu día, AFAMSA, e que se adica a reutilizar o aceite de peixe, producindo ás veces cheiros desagradables que invaden a zona. Esta empresa situase a menos de cen metros da ubicación da futura escola, polo que é necesario que a Xunta tome as medidas necesarias, por moi extremas que sexan, para que non se volva a repetir”.

Finalmente Miguel Anxo Aldea advirte que aínda sabedores da estratexia propagándistica do PP, o BNG non vai deixar de aportar a súa opinión, e apoiar as cousas que considera boas para os cidadáns deste concello, así como advertir públicamente dos problemas que poidan acarrear”.