A deputada socialista do Parlamento de Galicia, Carmen Gallego, visitou recentemente Salceda de Caselas, motivada pola presentación de alegacións feitas polos socialistas de Salceda ó orzamento da Xunta.

Entre as alegacións contemplan a mellora da seguridade no acceso das parroquias de San Xurxo e Picoña a PO-510, neste intre non dispón de carril de aceleración o que supón un importante perigo.

Aínda que, a principal alegación que presentou a executiva local foi a de que a Xunta recolla no seu orzamento a partida orzamentaria para o Centro de Saúde de Salceda de Caselas.

Verónica Tourón, vicesecretaria xeral dos socialistas de Salceda, fixo especial incidencia neste punto “como nai considero imprescindible que teñamos un centro sanitario axeitado a nosa poboación, o servizo de pediatría é especialmente deficiente. Neste momento creo que debemos renunciar a infraestructuras que non sexan urxentes e volcarnos nas realmente necesarias. Chegado o punto de que a Xunta decide non invertir en obras básicas como estas, tendrá que o governo local, aínda non sendo a súa competencia, que tomar decisións priorizando a mellora deste servizo esencial por encima de outras infraestructuras.”