Os servizos sanitarios de urxencia trasladaron hoxe a dúas mulleres e a dous nenos ata o Hospital Fátima de Vigo tras resultar feridos despois de colidir os vehículos nos que viaxaban cando circulaban pola estrada PO-510, no tramo comprendido entre O Porriño e Salceda de Caselas, na localidade de O Porriño.

O particular que chamou ao  CAE 112 Galicia para pedir axuda, indicou que unha das mulleres non podía saír do interior dun dos vehículos. Por iso, se alertou ademais de a Urxencias Médicas, aos bombeiros do Porriño -  Baixo Miño, aínda que finalmente, non tiveron que empregar o material de excarceración. O 112 Galicia tamén solicitou a colaboración dos axentes da Garda Civil de Tráfico e dos efectivos de Protección Civil de O Porriño. O accidente tivo lugar a escasos minutos das 08:30 horas desta mañá.