O PSdeG-PSOE firmou este venres o informe de mínimos de Pontesolidario, afirmando que "os socialistas nos sentimos identificados polo que non só nos comprometemos a levalo a cabo senón tamén a melloralo".

Nun comunicado de prensa  aseguran que "a solidariedade é un dos piares fundamentais do ideario socialistas e dos socialistas, polo que cómpre non só reiterar o apoio do PSdeG-PSOE de Ponteareas ao informe de mínimos senón que tamén traballaremos para que non quede en papel mollado".

Para Chus Garrote, candidata á alcadía, a "situación actual de crise mesturado cun goberno desleal coa cidadanía e insolidario como é o Partido Popular supón o desamparo e o abandono das necesidade máis vitais dos nosos veciños. Non se pode consentir que un colectivo como Pontesolidario teña que facer o traballo do goberno do Partido Popular".

Engade que "o Partido Socialista  votará a favor deste informe que será presentado no Pleno Municipal nas vindeiras semanas. Aínda así non nos conformamos só coa aprobación senón que, como xa vimos facendo, seguiremos traballando para levalo a cabo".