Os membros do equipo especializado no rescate en alta montaña da Garda Civil localizou esta tarde a unha persoa que quedou atrapada e desorientada entre as pistas da Estación de Esquí de Manzaneda. A persoa, que se atopa en perfecto estado de saúde, puido atopar de novo o camiño coa axuda dos axentes da Garda Civil. Ás 15:50 horas de hoxe, o propio afectado chamou ao 112 Galicia para pedir auxilio. Dende o Centro de Atención ás Emerxencias se informou, de inmediato, aos efectivos do GES de Castro Caldelas e Protección Civil de Manzaneda, ademais das forzas da orde.