Un home sufriu queimaduras leves a consecuencia dun incendio nunha vivenda na rúa Burgos, en Vigo. O lume orixinouse na mampara dunha ducha, que quedou totalmente calcinada, segundo indicaron Bombeiros. Ao redor das 5 e media desta tarde un particular contactou co CAE 112 Galicia para alertar do incendio, que podía afectar a dúas persoas que estaban no interior da vivenda. O persoal do Centro de Atención ás Emerxencias de Galicia pasou aviso a Urxencias Médicas, que se encargou do traslado do afectado ao Hospital Meixoeiro. Ademais, contactou con Bombeiros, Policía Local e Protección Civil de Vigo.