Un tren de mercadorías descarrilou tres dos seus vagóns esta mañá na Susana, Santiago de Compostela, debido a unha manobra realizada polo maquinista cando efectuaba un cambio de vía. Trátase dun convoi destinado ao transporte de cemento, aínda que no momento do accidente ía baleiro. A circulación de trens de viaxeiros continuou sen alteración, aínda que si foron anulados dous trens de mercadorías ata que a vía quede totalmente despexada, o cal estímase que será cara as 16:00 horas desta tarde. Policía Local avisaba sobre as 11:00 desta mañá ao CAE 112 Galicia, quen púxoo en coñecemento de Adif.