Marcos Besada foi proclamado por unanimidade na Asemblea de Movemento Salceda como candidato a liderar a lista que concurrirá ás próximas eleccións municipais do 24 de maio.

Besada, de 40 anos de idade, ostenta o cargo de rexidor do Concello de Salceda de Caselas dende que no ano 2007 desbancara ao Partido Popular tras 32 anos de goberno.

A Xunta Coordinadora de Movemento Salceda agradece ao Alcalde Marcos Besada e ao seu Equipo “o seu traballo realizado por cumprir coa enorme responsabilidade de proxectar unha nova imaxe de Salceda: un Concello activo, dinámico, moderno e emprendedor; un Concello de xente nova que busca novos horizontes e calidade de vida” aseguran nun comunicado.

Tras oito anos no goberno Besada  di que preséntase “ con novas ideas, novos proxectos e o que é máis importante, coa garantía de contar cun equipo de persoas de confianza para levalos a cabo”.