Unha muller tivo que ser trasladada este mediodía polos servizos sanitarios de urxencia ao Hospital Meixoeiro de Vigo, debido a unha intoxicación por monóxido de carbono. Ao redor das 15:00 horas desta tarde, Urxencias Médicas solicitou ao CAE 112 Galicia a presenza dos Bombeiros do Baixo Miño debido a que, nun primeiro momento, rexistrouse unha concentración excesiva deste gas na vivenda da afectada. O suceso tivo lugar en Mos, na parroquia de Tameiga. Finalmente, os Bombeiros informaron que se tratara dunha fuga no tiro da cheminea provocada pola obstrución dun tubo nunha cociña de leña. Informouse tamén a Garda Civil de Tráfico e Protección Civil de Mos.