Segundo Centristas de Tomiño (CdT) “o goberno municipal do BNG só destina para saneamento no ano 2015 300.000. -Euros de fondos propios e 220.000. -Euros do Plan de Mantemento de Servizos e Infraestruturas da Deputación de Pontevedra, cuxa suma bota unha cifra total de 520.000 Euros, e non de 900.000 Euros, como está a dar a entender a Alcaldesa e o Concelleiro-Delegado”.

Segundo Borja Estévez, Presidente de CdT, para achegarse á cifra de 900.000 Euros “é necesario sumar tamén o destinado nos anos precedentes e as previsións de futuro, como os fondos de libre disposición da Deputación que aínda non están disponibles”.

Os independentes consideran “absolutamente insuficiente o que o goberno do BNG destina a saneamento e urxen que se acometa o colector Carregal-Sobrada imprescindible para estender a rede xeral ás parroquias de Amorín, Currás, Sobrada e Piñeiro, presupostado en 1.200.000. –Euros”.