Un varón tivo que ser trasladado polos servizos sanitarios de urxencia ao Hospital Povisa de Vigo tras sufrir unha caída dun tellado en Gondomar, Pontevedra. O home atopábase na parte alta dunha nave industrial na que arranxaba unhas uralitas do tellado. Ao redor das 17:30 horas desta tarde, un particular avisou ao CAE 112 Galicia, quen solicitou a intervención de Urxencias Médicas, Garda Civil, dos Ges de Val Miñor e de Protección Civil de Nigrán.