As dez parroquias do Concello mosense están a ser estes días esceario dos traballos de instalación dos sinais direccionais que indicarán a situación dos centros culturais e veciñais de Mos.

A concelleira de Cultura, Sara Cebreiro, informou esta mañá de que hoxe iniciáronse os traballos de instalación dos sinais verticais direccionais que sinalizarán a ubicación de tódolos centros das asociacións veciñais e culturais do municipio.

En total colocaranse 30 sinais que estarán instaladas por todas as 10 parroquias mosenses. Segundo explicou Cebreiro, esta iniciativa, financiada con fondos propios municipais, “era unha demanda das directivas do tecido asociativo do Concello de Mos”, declarou a edil.

Con esta ampliación da sinalización direccional na localidade mosense facilitarase a orientación dentro do termo municipal tanto de conductores coma de viandantes, dado que o de Mos é un Concello moi disperso e moi amplo en extensión. Ademais, coa dotación nos viais municipais destes novos sinais preténdese que os grupos que veñen doutros concellos a actuar en Mos poidan atopar fácilmente o lugar no que van a facelo, xa que moitas das actividades culturais que se celebran en Mos realízanse nas sedes das diferentes asociacións culturais e veciñais, situadas en cada unha das dez parroquias mosenses. 

A finalidade deste proxecto é, segundo declaraba hoxe a concelleira de Cultura responsable do mesmo, Sara Cebreiro, “facilitar sobre o propio territorio a identificación tanto do emprazamento como dos itinerarios de acceso ós diferentes centros e sedes das asociación de veciños e culturais de Mos”.

Así mesmo outro dos obxectivos destes traballos é lograr unha repercusión positiva dinamización cultural no municipio. Como xa se dixo, este proxecto inclúe un total de 30 elementos metálicos de sinalización homologados.