Hoxe as instalacións sitas na Veigadaña do Servizo Municipal de Emerxencias e da Agrupación de Voluntarios de Protección Civil de Mos albergaron unha xornada de portas abertas que se prolongou dende as 10.00 horas da mañá ata as 20.00 horas da tarde. Houbo exhibicións prácticas de excarcelación, primeiros auxilios, rescate en altura e mesmo un simulacro de extinción dun lume. Ademais levouse a cabo un taller sobre tenencia responsable de mascotas titulado ‘EnCANtados’.

O acto oficial de apertura destas xornadas tiña lugar ás 12.00 horas, seguido dunha exhibición práctica de excarcelación. No evento estiveron presentes Nidia Arévalo, alcaldesa de Mos, Julia Loureiro, concelleira de Medio Ambiente e Urbanismo de Mos, Santiago Iglesias, presidente da Agrupación de Voluntarios de Protección Civil de Mos, Rodrigo Iglesias, responsable do Servizo Municipal de Emerxencias de Mos, Arturo González Barbeiro, concelleiro de Seguridade, Urbanismo e Medio Ambiente de Redondela, Jesús Crespo, concelleiro de Deportes e Novas Tecnoloxías de Redondela, Teresa París, concelleira de Servizos Sociais e Educación de Redondela, membros de Protección Civil e Grumir de Redondela, Jesús Antonio Fernández Suárez, concelleiro de Seguridade de Ponteareas, Manuel Carrera, concelleiro de Vías e Obras, Servizos Xerais, Protección Civil e Abastecemento de Augas do Porriño, membros de Protección Civil do Porriño, Bombeiros do Porriño, o Tenente Xefe do Destacamento de Tráfico da Guardia Civil de Torneiros –O Porriño, Antonio Iglesias Salas, Capitán da Compañía da Garda Civil de Vigo e o Comandante de Posto da Garda Civil de Mos.

O Servizo Municipal de Emerxencias e a Agrupación de Voluntarios de Protección Civil de Mos naceron para dar unha resposta adecuada ás urxencias que se produzan no termo municipal de Mos e concellos limítrofes, atendéndoas coa axilidade que este tipo de actuacións requiren. Os Voluntarios de Protección Civil colaboran nestas accións, colaboración para a cal reciben formación específica. Este ión de incendios de todo tipo, control de verquidos, rexeración de espazos verdes, plans de autoprotección, simulacros e cursos de prevención, xestión de catástrofes naturais coma inundacións ou temporais, rescates de persoas e animais, servizos programados en actos con grandes aglomeracións de persoas como poden ser probas deportivas ou eventos culturais; e búsqueda de persoas desaparecidas.

Balance 2014

A Agrupación de Voluntarios de Protección Civil de Mos, formada por vinteséis voluntarios, en colaboración có Servicio de Emerxencias Municipal e a Concellaría de Medio Ambiente do Concello de Mos, realizou durante o ano 2014 un total de 3.481 horas de servizos no Concello.

Estas horas sumadas ás 5.808 horas realizadas polo Servizo Municipal de Emerxencias son un total de 9.289 horas adicadas ós servizos de prevención e intervención en materia de emerxencias no pasado ano.

Ademais, os voluntarios asistiron a vinte cursos formativos en distintas materias; rescate en montaña, incendios urbáns e forestais, rescate en zonas illadas, excarceración, actuación en catástrofes, etc. Tamén os integrantes do Servizo Municipal asistiron a diferentes cursos nas mesmas materias.

Entre as distintas intervencións realizadas, destacan a asistencia a accidentes de tráfico, especialmente na Autovía A-55, incendios urbáns, ou servizos preventivos nos eventos realizados polo Concello de Mos.

Durante o ano 2014, o servizo foi dotado de novos equipos de protección individual para as intervencións, novos uniformes e un vehículo. Material que se verá incrementado durante este ano de 2015, con máis material de uniformidade, e novos equipos de comunicacións.

O presidente do colectivo, Santiago Iglesias, destaca a importancia que ten a formación neste tipo de servizos, polo que se está desenvolvendo un programa formativo para os vindeiros meses, coa colaboración de profesionais nas distintas tarefas das emerxencias e a través dos cursos impartidos dende a Academia Galega de Seguridade Pública.

O pasado domingo, 15 de febreiro, celebrouse ademais a asamblea anual, á cal tamén asistiu a concelleira Julia Loureiro, na que se expuxeron as iniciativas para o ano 2015, entre as que destacan a realización de tres novos cursos, de incendios urbáns, rescate en zonas illadas e rescate de feridos en accidentes de tráfico con excarcelación.

A concelleira mostrou o seu agradecemento as tarefas realizadas polos voluntarios de forma totalmente altruísta e animou ó colectivo a seguir traballando.

Durante o acto informou ós voluntarios da nova adquisición de material de rescate para zonas illada e accidentes de trafico que estará operativo esta mesma semana.

Tamén, se está executando un programa destinado a superar as 400 horas mensuais de servizo, polo que o Concello de Mos está a facer obras de mellora nas instalacións do Servizo Municipal de Emerxencias, que durante o ano 2014 mellorou o espazo de descanso  e cociña dos voluntarios. Nas tarefas de mellora das instalacións, tamén participan os voluntarios realizando a súa colaboración a través dos distintos oficios de cada un de eles.