O concelleiro de Formación e Emprego e tenente alcalde mosense, Óscar Soto, xunto coa directora do Obradoiro Municipal de Emprego, Raquel Fernández Cobián, e a responsable da especialidade de xardinería incluída no mesmo, visitaron este venres as recentemente rematadas obras na zona verde do Campo da Feira en Puxeiros, parroquia de Tameiga.

As actuacións realizadas foron levadas a cabo por 9 operarios, alumnos e alumnas-traballadores/as do Obradoiro de Emprego, durante dúas semanas e consistiron na construcción dun novo camiño, escarda e limpeza dos camiños xa existentes, colocación de novos bancos, prtantación de árbores –concretamente 5 tilos-, limpeza e mantemento do mobiliario dos parques –tanto os xogos do parque infantil como os elementos biosaudables da área de lecer para adultos-, rexeneración da pradeira mediante aireación, recebo, resembra e abonado; poda e sega, acometida dun pequeno adoquinado na zona de bancos e reparación de todo o adoquinado preexistente, e limpeza de arquetas.

Ademais desta mellora no Campo de Feira, os membros do Obradoiro iniciarán nesta recta final do mesmo, xa que remata o vindeiro 8 de marzo, un plan intensivo de actuación e mellora de zonas axardinadas e espazos verdes; de xeito que se emprenderá un labor de optimización integral e axardinamento dos contrornos verdes das parroquias mosenses. Neste plan inclúense melloras, entre outros moitos lugares, nas zonas do Multiusos das Pozas (Petelos), San Eleuterio (Tameiga), San Rafael (Pereiras), Pavillón Óscar Pereiro, etc.

Os traballos que se realizarán neste sentido consistirán fundamentalmente no mantemento xeral das zonas verdes mediante prantación e reposición de especies de temporada e arbustos.