Unha persoa resultou ferida tras colidir o vehículo que conducía cun autobús na estrada PO-552, ao seu paso polo concello pontevedrés de Tomiño, segundo informaron os servizos sanitarios de urxencia. O bus, que transportaba corenta persoas, ningunha ferida, continuou a marcha sen problema. Tras recibir a alerta no CAE 112 Galicia, ao redor das 10.00 horas desta mañá, pasouse aviso a Garda Civil de Tráfico de Pontevedra, aos efectivos do GES da Guarda e a Protección Civil de Tomiño.