O voceiro socialista, Alfonso Parada, pide que a empresa promotora dos recheos na Veigadaña arranxe os desperfectos que ocasiona.

Aseguran que “durante meses, as obras de recheo, xeraron un ir e vir de camións que nos últimos días parece terse ralentizado”.

Parada afirma que a licenza conta “con parabéns da Consellería de Medio Ambiente da Xunta de Galicia e debería haber incluído un aval ou fianza, feito do que agora ninguén parece querer facerse responsable”. Os socialistas reclaman que “non sexan os impostos dos veciños quenes satisfagan as desfeitas particulares”.

Ademáis solicitaron  a través do rexistro municipal o arranxo da rampla de acceso a unha vivenda no camiño da Fontiña; o arranxo das barandas da ponte sobre o rio Louro ó carón da N-550 e a canalización da pluviais no camiño de Santa Ana e a implementación dunha baranda quita medos.