Unha persoa resultou ferida ao sufrir unha saída de vía o seu vehículo, cando conducía pola estrada Clara Campoamor, á altura do polígono de Valadares, na cidade de Vigo. O coche bateu contra o gardarraíl da vía e tiña risco de caer por un terraplén, segundo afirmaron os Bombeiros de Vigo, polo que tiveron que asegurar o vehículo antes de proceder a sacar ao ferido. A persoa foi atendida no mesmo lugar do accidente polos servizos sanitarios de urxencia. Un particular avisou ao CAE 112 Galicia ao redor das 14:15 horas de hoxe e, de seguido, pasouse aviso á Policía Local e a Protección Civil de Vigo, ademais dos efectivos do parque comarcal e de Urxencias Médicas.