Alfonso Parada Fernández, Voceiro do Grupo Municipal Socialista do Concello de Mos ven de asegurar nun comunicado de prensa que “os prazos para a aprobación do PXOM esgótanse sen que tivera lugar a nova exposición pública nin a comunicación a tódolos veciños da resposta por carta as súas alegacións, a alcaldesa presume na prensa de ter tódolos informes sectoriais favorables, pero o certo é que aínda resta o de medio ambiente, desfavorable por non reflectir o trazado das novas autovías ou a súa definitiva retirada”.

Para Parada “é físicamente imposible, cando xa fai meses que alcaldesa afirmou na prensa que xa estaban os informes e incluso redactadas as contestacións as alegacións dos veciños”, afirma o portavoz socialista no concello, “a alcaldesa minte os veciños por unha simple cuestión electoral, a escasos tres meses das municipais, non quere correlo risco de que o máis do corenta por cento das alegacións denegadas lle pasen factura electoral”.

Finalmente afrma que “o goberno de Arévalo está maniatado pola presión electoral e non polos intereses dos veciños de Mos, polo menos, non polos intereses de tódolos veciños”.