A Comunidade de montes de Tameiga, xunto cos responsables do colexio público CEIP Peña de Francia de Mos, están a organizar para este luns día 23 e mañá martes 24 un proxecto de prantación de castiñeiros para conmemorar o día da Árbore, que normalmente se celebra o día 21 de marzo.

A prantación de aproximadamente douscentos castiñeiros será feita polos alumnos de infatil e primaria,coa supervisión do equipo de trabalho da comunidade, mestres e voluntarios.

Os obxetivos deste proxecto son, concienciar dende unha idade temperá da importancia de coidar e respetar as árbores como elementos indispensables do bó funcionamento do ecosistema, tamén como parte do proxecto, os alumnos identificarán cada un das árbores para ver o longo do tempo como medran e van modificando o seu entorno, recuperando o mesmo tempo outro especies de animais e vexetais. Tamén os nenos poderán comprobar o funcionamento das comunidades de montes, xá que eles son o futuro destes colectivos.

O proxecto é financiado pola CMVMC de Tameiga, e os rapaces serán agasallados cunha mochila da Comunidade,así coma unha merenda.