Unha persoa e un can foron rescatados polo helicóptero Pesca I, do Servizo de Gardacostas de Galicia, ao quedar atrapados nunhas rochas no río Miño, ao paso polo concello pontevedrés de As Neves, no lugar de Barrela.

O caudal do río incrementarase debido á apertura dunha presa, polo que non podían saír polos seus propios medios. Aínda así, outras dúas persoas que se atopaban na mesma situación, lograron saír a nado, segundo informaron os axentes da Garda Civil. Foron os propios implicados os que avisaron ao CAE 112 Galicia ao redor das 12:15 minutos da mañá de hoxe e, de seguido, solicitouse a intervención, ademais, dos Bombeiros de Ponteareas e do Baixo Miño, de Protección Civil de Vigo e de Salvamento Marítimo.