Unha muller faleceu esta mañá tras ser arrolada por un tren que circulaba á altura da estación ferroviaria do Porriño. Por mor do accidente, a circulación de trens está interrompida, no punto quilométrico 152.300 da vía férrea, mentres os servizos de emerxencias traballan no lugar dos feitos. O centro de seguridade de Renfe (Adif) alertou ao 112 Galicia ás 11:15 horas de hoxe e, de inmediato, pasouse aviso a Urxencias Médicas, á Garda Civil, á Policía Local e a Protección Civil de Mos e O Porriño.