Unha muller foi trasladada polos servizos sanitarios de emerxencia a un centro hospitalario logo de producirse un incendio no baixo dunha vivenda en Redondela, no lugar de O Carballiño, parroquia de San Pedro de Cesantes. O lume foi extinguido por uns particulares e os Grumir de Redondela, tras ser alertados polo 112 Galicia, procederon a refrixerar a zona cando chegaron ao lugar. Segundo indicaron, o lume calcinara unhas madeiras apiladas e uns palés. Tras recibir a chamada dun particular, pasados uns minutos das 17:30 horas da tarde de hoxe, o CAE 112 Galicia solicitou a intervención da Policía Local e dos Bombeiros do Baixo Miño. Urxencias Médicas xa tiña constancia do suceso.