Os servizos sanitarios de urxencia trasladaron onte, en estado grave, a unha persoa que resultou ferida tras producirse unha colisión entre dous turismos na N-525, en Redondela. O ferido estaba fóra do vehículo, liberado e accesible, segundo confirmaron os particulares que chamaron ao 112 Galicia ás 22:45 horas de onte. Así e todo, o persoal do Centro de Atención ás Emerxencias 112 Galicia solicitou a intervención do Grumir de Redondela, Garda Civil de Tráfico, Policía Local e aos efectivos do servizo de limpeza e mantemento do Ministerio de Fomento, que retirou os restos do accidente da vía.