Un home faleceu na tarde de onte tras producirse un tiroteo na cidade de Vigo, na rúa Ramón Nieto. Ademais, outra persoa resultou ferida e tivo que ser trasladada ao hospital de referencia, segundo informaron os efectivos de Urxencias Médicas. Unha terceira persoa foi atendida tras sufrir unha crise de ansiedade. Ao fío das 20:40 horas de onte, un particular alertou ao 112 Galicia e solicitou asistencia sanitaria para unha persoa que acababa de ser disparada por outra nun taller. Minutos despois, outro particular informaba sobre unha agresión trala que unha das persoas quedara tendida no chan. Así, o persoal do 112 Galicia informou á Policía Nacional, que xa tiña constancia do suceso, e a Urxencias Médicas.