Un total de catro persoas, tres delas menores, resultaron feridas de diversa consideración tras sufrir un accidente co vehículo co que circulaban. O suceso tivo lugar na estrada que une o Hospital Montecelo con Monteporreiro, no concello de Pontevedra. Os efectivos de Urxencias Médicas alertaron ao CAE 112 Galicia pasados uns minutos das 17:00 horas desta tarde, e indicaron que as persoas estaban feridas a causa dunha colisión por alcance. O persoal do 112 Galicia solicitou, de seguido, a intervención dos axentes da Policía Local e dos efectivos de Protección Civil de Pontevedra.