O domingo 10 de maio terá lugar a celebración do Xantar de Asomamos, Asociación de Maiores, Pensionistas e Xubilados de Mos, que este ano chega xa á súa VII edición. O xantar será no Multiusos das Pozas, parroquia de Petelos, e suporá un donativo por comensal de 30 euros. O menú constará de langostinos cocidos, vieiras, merluza á romana, terneira e/ou cordeiro, sobremesas, bebidas, etc.

Ademais este encontro estará amenizado por gaiteiros e máis animación musical de sobremesa, e contará con sorteos e agasallos para os asistentes. Os interesados en adquirir ou reservar invitacións poden facelo presencialmente acudindo ó local social de Asomamos no Multiusos, ou ben chamando por teléfono ós números 986334903 e 679037299, ou acudindo ós colaboradores da Asociación nas parroquias, que tamén dispoñen de invitacións.