Moi pronto chegará o verán e con iso as vacacións que tanto se fan esperar. O sol, a calor, os baños na piscina ou no mar, as tardes no xardín... son rituais que repetimos ano tras ano. Os nosos hábitos e costumes desprázanse dende o interior do fogar ata os xardíns para gozar das boas temperaturas rodeados de natureza, por iso é tan importante o coidado do noso xardín nesta época estival.

No caso das plantas que cultivamos no xardín, este coidado debe de ser máis esmerado xa que, ademais do seu valor ornamental, estas poden ter aplicacións nos pratos que comemos a diario, como por exemplo o tomiño, o romeiro, a alfábega, a estevia -que serve como edulcorante e axuda a regular a hipertensión- ou os cítricos, que nos poden servir para elaborar de xeito natural limoadas e laranxadas. Outro exemplo é o cecimbre, que ademais de ter un olor moi característico nos serve para elaborar mojitos, polo que o seu cultivo nos pode axudar á hora de deleitar ás nosas visitas. Se pola contra nos gustan as pipas, plantar xirasoles nunha boa opción, xa que ademais de darnos o seu froito ten unhas flores realmente bonitas que enchen de alegría as zonas onde as coloquemos. Ademais, todas estas plantas poden cubrir a vacante dos ambientadores durante a época estival e non requiren de coidados especiais.

Outro dos consellos que Fernando Pozuelo nos ofrece para manter o xardín perfecto durante o verán é regar regularmente plantas e árbores, pero é importante facelo non nas horas centrais do día ao non a primeira hora da mañá ou ao última da tarde. Ademais, Fernando recoméndanos instalar un sistema de rego automático por se non imos estar no fogar uns días e tamén para previr esquecementos que supoñan danos para as plantas e o céspede. Sobre este último, a sega a baixa altura é unha boa opción pero non é conveniente facer cambios de altura de sega moi severos e de golpe, xa que o céspede neste caso amarela pero se é progresivo si se pode facer. Tamén hai especies que toleran a sega moi baixa, 5 m, como o agrostis stolonifera que se emprega nos green dos campos de golf.

Coas altas temperaturas chegan as pragas e os fungos que poden afectar tanto ás plantas, coma ás árbores e ás flores do exterior. Así pois, é moi importante aplicar insecticidas ou outros produtos sempre a última hora da tarde e sen abusar para non as queimar. Aínda que se non queremos facer uso dos produtos químicos, podemos barallar unha opción natural de evitar os mosquitos mediante o cultivo de especies moi efectivas como a citronela (Melissa officinalis) ou solucións mais rústicas pero non menos efectivas como a alfalfa (Medicago sativa) que funcionan como repelente natural.

Polo tanto, co coidado axeitado e o mimo necesario, o noso xardín pode lucir perfecto este verán para gozar ao máximo dos raios do sol.