Os servizos sanitarios de urxencia trasladaron onte a tres persoas que resultaron feridas a causa dun falso teito e un moble que se desprenderon no interior dun bar situado na Avenida de Galicia, en Vigo. Entre os feridos había un traballador do establecemento e dous clientes. O persoal do Centro de Atención ás Emerxencias 112 Galicia tivo coñecemento do suceso grazas á chamada dun particular ás 19:40 horas de onte. De inmediato, dende o CAE se pediu a colaboración de Urxencias Médicas, que enviou ao lugar varias ambulancias. Ademais, foron informados os axentes da Policía Nacional e Local e Protección Civil de Vigo.