Dúas persoas resultaron feridas de diversa consideración tras unha colisión na que se viron implicados tres vehículos. O accidente tivo lugar na avenida Gran Vía de Vigo ao redor das 14:00 horas da tarde de hoxe. Tras recibir a alerta, o CAE 112 Galicia solicitou a intervención dos axentes da Policía Local da cidade e de Protección Civil de Vigo. O persoal sanitario xa tiña constancia do suceso. Ademais, esta mesma tarde, outra persoa resultou ferida ao colidir o seu vehículo con outro turismo na N-634, ao paso polo concello coruñés de O Pino. O particular que alertou ao 112 Galicia indicou, ademais, que un dos vehículos interrompía a circulación, xa que estaba no medio da calzada. De seguido, informouse a Garda Civil de Tráfico, a Urxencias Médicas e ao servizo de limpeza e mantemento da vía.