Un incendio orixinado na cociña dunha vivenda provocou queimaduras nunha man a un dos seus habitantes, polo que tivo que ser trasladado polo servizos sanitarios de urxencia ao Hospital Xeral de Vigo. Os Bombeiros da cidade, alertados polo 112 Galicia tras recibir a chamada dun particular, encargáronse da extinción do incendio que, segundo indicaron, comezara nunha pota que estaba ao lume. Ademais, ardeu por completo a campá extractora e o fume afectou considerablemente a toda a vivenda. O persoal do CAE 112 Galicia informou, tamén, aos Bombeiros do Porriño, á Policía Local, a Protección Civil de Redondela e a Urxencias Médicas. O suceso tivo lugar na Avenida de Vigo, na parroquia de Chapela, Redondela, minutos antes das 14:45 horas de hoxe.