Onte, luns 11 de maio, o Partido Socialista de Ponteareas presentou ante a Xunta Electoral de Zona “unha denuncia pola colocación ilegal de propaganda electoral do Partido Popular nas farolas do casco urbán. Xa son dous os partidos que concorren ás eleccións municipais de Ponteareas, PP e ACIP; que vulneran o artigo 55 da Lei Orgánica do Réximen Electoral Xeral, LOREG” sinalan engadindo que “o Partido Popular, do mesmo xeito que a pasada semán fíxo o partido encabezado por Juan Carlos González Carrera, colocou na madrugada do 10 de maio  propaganda do seu partido nas farolas do casco urbán, que non foron ofertadas polo Concello como espacio para a colocación de propaganda electoral gratuita”.

“Resulta incomprensible que sendo Salvador o que establece qué espacios se destinarán para a colocación de propaganda electoral, incumpra conscientemente a Lei Electoral. Esta é a forma de gobernar que ten o Partido Popular” afirma Vanesa Fernández Soage, secretaria de igualdade, dereitos e liberdades.