A iniciativa veciñal “GañaMos” formada por “xente involucrada na vida social e cultural” presenta o seu programa de goberno será exposto este sábado, 16 de maio, ás 20:00h no Pazo de Mos, polo candidato á alcaldía Fco. Vázquez Troitiño e o abogado Miguel Rodríguez Alonso.

O médico de familia recen xubilado, Fco. V. Troitiño encabeza esta candidatura composta por un grupo de persoas entre as que se atopan licenciados en diferentes especialidades, avogados, mestres e xente de movementos asociativos.

Nun comunicado de prensa adiantan que “transformaremos o Concello de Mos nun lugar máis agradable para vivir, practicando unha política  solidaria, honesta e transparente, aberta á participación  dos veciños na toma de decisións”.

Dende a nova formación aseguran que fomentarán a “colaboración entre as asociacións para poder sacar máis rendemento ao traballo realizado polo voluntariado social e potenciaremos a nosa propia identidade rural, compaxinando os recursos turísticos, culturais e medioambientais na procura desenvolvemento sostible”.

Explican que “o camiño de Santiago será o eixe vertebrador que servirá para unir tódalas parroquias mosenses a través do seu patrimonio histórico e apostaremos pola riqueza que xerará no noso concello a serra do Galiñeiro, apoiando tódalas iniciativas que persigan a súa necesaria declaración como Parque Natural”.

En definitiva, explican, que “debemos aproveitar a nosa situación estratéxica dentro da área máis industrializada de Galicia, sen perder a nosa identidade rural”.