Organizado dende o Concello e a Cámara de Comercio,  este curso ten como obxecto iniciarse no coñecemento da lingua Francesa para a comprensión e conversación básica. As clases serán impartidas en francés con apoios en español. Os alumnos coñecerán o francés a través do aprendizaxe de vocabulario esencial, construción de frases, térmos idiomáticos, gramáticas ... deste modo mellorarase o perfil profesional dos asistentes.

Neste curso trataranse as formas de facer as presentación persoais e profesionais, de expresar de forma clara e simple ideas, sentimentos, formular preguntas básicas, facer pedidos e solicitar informacións,  estudarase a correspondencia entre fonemas e grafías, o alfabeto, pronomes persoas, entre outros contidos.

Un total de 32  horas de curso que comeza hoxe 18 de maio, onde se realizarán ao longo de todas as clases lectura, comprensión, lectura, expresión escrita, actividades de expresión oral, audicións , visualizacións e comprensión de conversacións.