Tui segue a ser o escenario de frecuentes liortas, accidentes e altercados que teñen coma denominador común o consumo en exceso de alcohol por parte de persoas que acoden á localidad e a 'divertirse'.

A  Policía Local de Tui tivo un complicado fin de semana –do 16 ao 17 deste mes-  no que una vez mais, tivo que intervir en novos casos de liortas, altercados e infraccións relacionadas co consumo de alcohol, segundo informan dende a súa Xefatura.

Sobre ás 07.00 horas actuaban conxuntamente coa Garda Civil de Tui por mor dunha liorta con resultado dunha rapaza ferida na entrada da discoteca Metropol de Tui. Según a versión dos axentes “esta persoa foi golpeada por outra rapaza cun vaso de cristal no seu pómulo esquerdo no transcurso dunha liorta-discusión”.

A xove, inda que xa está recuperada, necesitou ser trasladada polo 061 ao PAC de Tui polo traumatismo que lle ocasionou o golpe.

Unha hora máis tarde, sobre ás 08.00 horas, os axentes de garda seguiron a recibir chamadas de veciños queixándose polo “barullo e destrozos de varios pequenos ‘botellóns’ que aínda se estaban a practicar en algúns puntos do casco urbano”.

Un dos condutores partícipes no botellón "con evidentes signos de atoparse baixo o efecto de bebidas alcohólicas", se deu á fuga cara a Vigo pola A-55 logo de que a Policía Local de Tui lle instara a que non conducira no estado no que se atopaba. Esta persoa non ía sola no vehículo, Peugeot 306, levaba con el a catro paxaseiros. Foi interceptado pola patrulla da Policía Locla. na saída da A-55 á Altura do Cerquido. Unha unidade de Atestados da Garda Civil de Tráfico se desprazou ata o lugar. O resultado da alcoholemia foi de 0,52 miligramos de alcohol por litro de aire espirado. O dobre da tasa máxima legalmente estabrecida., polo que será denunciado administrativamente e terá que enfrontarse a una multa de  500 euros e á retirada de 4 puntos.

Cómpre lembrar que apenas pasou unha semana (09/05/2015) dende o último  accidente de tráfico en pleno casco urbano de Tui, no cal, a condutora presuntamente causante do mesmo, circulaba cunha  tasa del alcohol de 1,07 miligramos por litro de aire espirado, isto é catro  veces máis do legalmente permitido. No suceso no que conducía una muller de 41 anos resultaron feridas leves dúas persoas ocupantes do outro vehículo implicado. A Policía Local de Tui, logo da súa intervención, realizou tamén nesta ocasión o oportuno atestado.