O Pesca I evacuou onte a un home afectado por un paro cardíaco que viaxaba a bordo dun barco de pasaxe situado a varias millas ao suroeste de Vigo. O doente foi trasladado na aeronave a Peinador, onde lle agardaba unha UVI móbil de Urxencias Médicas. Ata o seu traslado a Vigo, o enfermo estivo en todo momento atendido por un médico que viaxaba no mesmo barco. A evacuación urxente do doente foi coordinada por Salvamento Marítimo, que, ás 21:00 horas de onte, solicitou a colaboración dos xestores do CAE 112. Dende o Centro de Atención ás Emerxencias se alertou ao equipo do Pesca I e aos servizos sanitarios.