"A sabendas que o emprego e o benestar social son as máximas prioridades, no proxecto de futuro do Partido Popular de Salceda de Caselas tamén teñen cabida outras propostas, neste caso revolucionaria e innovadora. Trátase da creación do Museo do Entroido, no que se recollerá todo o referente a esta gran tradición ancestral con tanto arraigo no municipio e que cada ano reúne a miles de persoas na vila" aseguraron hoxe nun comunidaco de prensa do PP de Salceda.

En materia de cultura, o equipo liderado por Santiago Rodríguez Davila comprométese tamén a aumentar as axudas ás diferentes asociacións e centros culturais, facendo un reparto máis equitativo en función de diferentes varemos de puntuación, e ofreceráselle asesoramento para a tramitación de subvencións avisándolles da convocatoria das mesmas.

O PP traballará arreo para facer unha programación cultural que vaia a todos e a cada un dos centros culturais en cooperación coas distintas asociacións e colectivos e colaborará coas comisión de festas na elaboración dos plans de emerxencia e mobilidade esixidos pola nova Lei de Espectáculos Públicos e Actividades Recreativas de Galicia.

Educación

No que atinxe á educación, melloraranse as aulas do CRA tanto no interior como no exterior, daranse becas aos mellores expedientes académicos e apoiarase o transporte intermunicipal para o alumnado.

Como propostas "están darlle solución ao acceso a aula do CRA da Esfarrapada, implantar ensinanzas de FP e de Bacharelato no IES Pedras Rubias e crear unha comisión para estudar a necesidade dun novo colexio de Educación Primaria ante a masificación nas aulas do CEP Altamira" aseguran dende o PP.