Tres persoas tiveron que ser trasladadas polos servizos sanitarios de urxencia ata o Hospital “Castro”, en Vigo, ao resultar feridas despois de colidir un camión e dous vehículos. O accidente tivo lugar na N-550, en Sanguiñeda, no termo municipal pontevedrés de Mos.

Segundo informaron os efectivos do Servizo Municipal de Emerxencias de Mos que se desprazaron ao lugar tras ser alertados polo CAE 112 Galicia, o camión, transportaba vigas, pero, a carga non se viu afectada. Un particular chamou ao 112 Galicia para pedir axuda pasados uns minutos das 12:00 horas deste mediodía, e, de contado, ademais de alertar aos efectivos de Protección Civil, tamén se pediu a intervención dos servizos sanitarios, da Garda Civil de Tráfico e da Policía Local.