A Festa do Corpus Christi de Ponteareas poderá ser seguida en tempo real dende calquera parte do mundo a través da Internet, grazas á instalación de catro cámaras ás que será posible acceder dende a portada da web do Concello de Ponteareas.

Esta medida permitirá que todos os internautas que o desexen, independentemente do lugar do mundo no que se atopen, poidan seguir en directo a confección dos tapices mediante ordenadores, teléfonos ou tabletas. As cámaras estarán instaladas en lugares que permitan unha visión integral das alfombras confeccionadas na Praza de Bugallal, na Rúa de Oriente, na Praza Maior e na Avda. da Constitución.

Trátase dunha iniciativa que ten moi boa acollida dende hai varios anos, congregando a centos de usuarios de diversas partes do planeta que visualizan, en vivo, a evolución dalgunhas das alfombras máis espectaculares do Corpus. As cámaras estarán operativas o sábado e o domingo, para poder observar todo o proceso de confección dende o seu inicio ata o remate final co paso da procesión.