O tenente alcalde e concelleiro en funcións de Formación e Emprego, Óscar Soto, informou hoxe de que o Concello de Mos ven de asinar un convenio coa Fundación Esplai para o desenvolvemento de programas de e-inclusión -ou inclusión laboral vinculada a Internet e as novas tecnoloxías- a través do proxecto Red Conecta.

A primeira iniciativa da que se beneficiará Mos gracias a este convenio, ademais da licenza gratuíta dos programas informáticos de Microsoft que se instalarán nos ordenadores da Aula CemiT da Axencia de Colocación, será o proxecto ‘MOS for Employability: beca.MOS’ promovido por Microsoft Ibérica e a Fundación Esplai. Este proxecto pretende traballar pola empregabilidade das persoas xóvenes (sobre todo na franxa de idade de 16 a 30 anos) mediante a súa formación e acreditación en coñecementos informáticos comezando polos programas Word, Excel e Power Point.

BECA.MOS (Microsoft Office Specialist) serve para certificar as competencias dixitais en Office 2010 de forma totalmente subvencionada e así mellorar o currículo cun título oficial e de validez internacional e que valida créditos de libre elección nalgunhas universidades.

A Axencia de Colocación complementa a súa oferta formativa de novas tecnoloxías a través deste novo programa para o fomento da empregabilidade dos mozos de entre 16 e 30 anos. Non ten custo ningún para o Concello, pois a Fundación Esplai asumirá todos os gastos de proceso e as licenzas Office 2010 necesarias para realizar a formación e os exames.

Gracias á posta en marcha deste proxecto os mozos e mozas mosenses interesados poderán acreditar oficialmente os seus coñecementos de ofimática en programas como Word, Excel e PowerPoint.

Supón para a concellería de Formación e Emprego un novo reto, para sumar posibilidades e compartir o compromiso de mellorar a empregabilidade dos mozos, co obxectivo de dotalos de ferramentas que lles permitan romper coas tremendas cifras de paro xuvenil actual e así facilitar o dereito á formación e á acreditación dos seus coñecementos dixitais mediante o MOS.

Como xa se dixo, o pasado mes de maio asinouse o convenio de adhesión entre o Concello de Mos e a Fundación de Acción Social, Educación e Tempo Libre Esplai, para o desenvolvemento de programas de e-inclusión a través do proxecto Red Conecta cuxos obxectivos son promover o traballo en rede, potenciar a integración dos colectivos en risco de exclusión social, mellorar a formación e capacitación das persoas destinatarias a través das Tecnoloxías da Información e a comunicación (TIC), incrementando as súas posibilidades de inserción no mercado laboral; promover o voluntariado e o traballo en rede entre asociacións locais, para a implicación da cidadanía no desenvolvemento comunitario e ofrecer á administración pública a posibilidade de achegar a tecnoloxía ás persoas con dificultades sociais, promovendo a e-administración en cada un dos ámbitos de intervención a nivel estatal, autonómico e local.
 

A Fundación Esplai é a impulsora da Red Conecta, que coordina o proxecto, proporciona asesoramento, desenvolvemento e apoio metodolóxico, fomentando a innovación. Proporciona formación gratuíta a todos os dinamizadores da rede e realiza asesoramento e acompañamento ás entidades. O Concello achega a experiencia en diferentes aspectos cruciais para o proxecto coma traballo comunitario, intervención directa con colectivos desfavorecidos, etc. Así mesmo, a administración local mosense aporta a súa experiencia na realización de programas de alfabetización dixital, achega o espazo TIC e os profesinais docentes e/ou dinamizadores.

Calquera persoa que estea interesada en participar neste proxecto así como en certificarse ten previamente que ser dada de alta en www.certiport.com para poder recibir un número de usuario e un contrasinal que lles permita logo realizar o exame.

As tasas exame son gratis para os xóvenes de 16 a 30 años e cun custe de 10 euros para os maiores de 30 anos. As datas de celebración dos exames serán os días 23 e 24 de xullo con 2 horas de duración para cada proba. As sesións formativas celebraranse os 18 e 25 de juño e 7 e 9 de xullo. Os interesados deben dirixirse á Axencia de Colocación de Mos para obter máis información e inscribirse nesta iniciativa.