Os membros do Servizo Municipal de Emerxencias de Sanxenxo liberaron esta madrugada ao condutor dun turismo que quedou atrapado tras sufrir un accidente na PO-504, preto de Vilalonga, en Sanxenxo. O persoal do CAE 112 Galicia puxo en marcha un operativo de rescate unha vez recibida a chamada dun particular minutos antes da unha desta madrugada. Ademais dos efectivos do Servizo Municipal de Emerxencias de Sanxenxo, se desprazaron ata o lugar do sinistro os Bombeiros do Salnés, a Policía Local, a Garda Civil e o persoal de limpeza e mantemento da Consellería do Territorio, que eliminou os restos do accidente e restableceu a seguridade na vía. Por outra banda, na provincia de Ourense, no Barco de Valdeorras, outro turismo chocou contra outros que estaban estacionados na Rúa Marcelo Suárez. Por fortuna, só se rexistraron danos materiais. O CAE 112 Galicia tivo coñecemento do suceso grazas a chamada dun particular ás 00:10 horas de hoxe.