O movemento Gañamos Asamblea Veciñal ven de comunicar que Susana Seijo Couselo, que ía de número 3 na candidatura, renuncia a acta de concelleira, por “motivos persoais sobrevidos despois de presentarse”, polo que será substituída pola seguinte da lista, Aurora Giráldez Leirós (Auri), presidenta da Asociación de veciños de Petelos.

Dende esta Asamblea Veciñal Tamén amosan a súa satisfacción e agradecemento “polo apoio dos preto de 2000 votantes, o que permitirá que os nosos 4 concelleiros electos poidan traballar arreo por un Mos diferente”.

Así o vindeiro día 13 tomarán posesión tamén os concelleiros Francisco V. Troitiño, médico xubilado que fará de portavoz, Miguel A. Rodríguez Alonso, avogado, e Roberto C. Rodríguez Dasilva, presidente do Club Natación de Mos.