Mañá martes día 23, a partires das 22:00 h. ó carón do Pazo de Mos, a Asociación de Veciños Sta. Baia e o Círculo Cultural e Deportivo Sta. Eulalia, terán todo a punto para que tanto veciños como visitantes teñan a súa disposición churrasco, chourizos e viño da casa que se poderán degustar na noite máis longa do ano, e todo elo ó son da música dos gaiteiros do Círculo Cultural e de cantos se atrevan a tocar, bailar e cantar ó redor dunha grande cacharela.

O remate de festa contará coa elaboración dunha queimada onde, cómo de costume, se fará un esconxuro para “invocar as forzas da terra e do máis alá para que nos protexan e nos afasten dos demos ou malos espíritos”.

Dende a organización agradecen tamén “a colaboración da Comunidade de Montes para poder levar adiante esta iniciativa”.