Os Bombeiros de Ponteareas liberaron onte ó condutor dun turismo que bateu contra unha árbore na parroquia pontareá de Gulliade. Como consecuencia do impacto, a persoa que viaxaba no interior do vehículo quedou atrapada e precisou da axuda dos equipos de excarceración para saír do coche. Unha vez liberado, foi atendido e evacuado ao centro médico de referencia polos servizos sanitarios de urxencia. O 112 Galicia rexistrou o accidente ás 21:20 horas de onte e informou á Garda Civil de Tráfico.