Un total de tres persoas, entre elas un menor, resultaron feridas tras producirse unha colisión por alcance entre catro vehículos. A colisión tivo lugar á altura do termo municipal pontevedrés de Nigrán, na parroquia e A Ramallosa. Un particular chamou ao CAE 112 Galicia para pedir axuda minutos antes das 21:00 horas deste domingo, e de seguido, pasou aviso a Urxencias Médicas.

Dende o 112 Galicia tamén se solicitou a colaboración da Garda Civil de Tráfico, da Policía Local e dos efectivos de Protección Civil de Val Miñor. Dúas ambulancias foron desprazadas ao lugar polos servizos sanitarios de urxencia. O servizo de mantemento da estrada se encargou das tarefas de limpeza por mor dos restos do accidente na vía.