O CEP Altamira e a Escola Infantil Xoaniña veñen de facer sendas aportacións para o Programa de Alimentos de Salceda, resultado de iniciativas solidarias levadas a cabo en ambos centros educativos.

No caso do CEP Altamira, os alumnos e alumnas organizaron un mercadiño de libros de segunda man coincidindo coas datas das Letras Galegas. O mercado recaudou un total de 248 €, que serán empregados en adquisición de productos para o Programa de Alimentos.

Por outra banda, tamén a Escola Infantil Xoaniña levou a cabo unha iniciativa solidaria que consistiu na recollida de alimentos infantiles. Foron máis de 250 kg de productos os recaudados: leite infantil, papillas, zumos…, que Xoaniña entregou tamén para o Programa de Alimentos de Concello.

Ao longo do ano son diversos os colectivos, institucións, empresas e persoas individuais as que fan aportacións de diversa índole para este Programa, que se xestiona a través do voluntariado de Salceda por medio dos Servizos Sociais Municipais.