A Consellería de Traballo da Xunta de Galicia concedeulle ó Concello de Tui catro cursos de formación para realizar durante este ano 2015. Todas as persoas interesadas, deben anotarse na súa oficina de Emprego ata este xoves día 16 de xullo.

Deste xeito, non é preciso ter formación nin titulación específica para os cursos:

Operacións auxiliares de montaxe de redes eléctricas, que se iniciará en setembro, con 6 horas diarias de formación, durante 50 días; Operacións de fontanería e calefacción – climatización. Actividade formativa prevista para iniciar en agosto, con 7 horas diarias, durante 80 días e curso de Fontaneiro, pensada para comezar neste mes de xullo, con 8 horas diarias de clases, ó longo de 101 días.

Pola banda contraria, é necesaria a titulación en ESO, equivalente ou superior, para o curso: Instalación de elementos de carpintería, que comezará en agosto, con 7 horas diarias de formación ó longo de 83 días.