O Instituto de Estudos Miñoranos en conxunto co Concello de Tomiño organizan este venres 17 de xullo unha visita guiada ao ecoparque arqueolóxico de Monte Tetón na parroquia de Tebra. A mesma dará comezo ás 20 horas e terá como guía ao arqueólogo Xosé Lois Vilar. As prazas son limitadas, polo que os interesados deberán anotarse gratuitamente ata este xoves ás 21:30 horas no teléfono 986360575.

A contorna natural e patrimonial dos montes de Tebra serán o obxectivo desta  visita que como é tradicional rematará na estación "As Portaxes", na que se atopa o maior gravado de círculos concéntricos coñecido así como unha importante escolma de representacións esquemáticas e naturalistas.