En Mos, tres camións se viron implicados nun accidente na A-55, na subida a Puxeiros. A causa da colisión, interrompeuse a circulación nun dos carrís en sentido Vigo, pero queda outro habilitado ó tráfico.

O accidente se saldou cunha persoa ferida, que foi atendida e trasladada polos servizos sanitarios de urxencia.

Faltaba un cuarto de hora para o mediodía cando o 112 Galicia recibiu a chamada dun particular que informaba deste suceso. A partir de aí, os xestores do CAE 112 Galicia avisaron á Garda Civil de Tráfico, Urxencias Médicas e Servizo Municipal de Emerxencias de Mos.