Os equipos de rescate poñen a salvo a un pescador que caeu por un cantil do Monteferro, en Nigrán. O home se atopaba nunha zona de difícil acceso, ferido e consciente. Tras un primeiro contacto visual co pescador, os axentes da Policía Local indicaron que soamente presentaba un corte nun pómulo. Cara ó lugar se dirixiron dúas embarcacións de Salvamento Marítimo, mentres que por terra colaboraron os membros do GES do Val Miñor, alertados polo persoal do Centro de Atención ás Emerxencias (CAE) 112 Galicia tras a chamada dun particular ás 11:50 horas de hoxe. Minutos máis tarde, o pescador era rescatado e trasladado ó Porto de Vigo pola Auxiliar María Pita. En zona portuaria lle agarda unha ambulancia de Urxencias Médicas para unha primeira valoración.